3.2.5.1 Gogobetetasun inkestak 

Aurreko urteetan bezala, erreferentzia hartuta urrian jasotako deiak, azaroan inkesta bat egin zen, eskaintzen den zerbitzu telefonikoari buruz zergadun erabiltzaileak duen pertzepzioa jakiteko. Inkestatik ondorioztatu zen zerbitzua oso ongi baloratzen zela (10etik 8,37 puntu), aurreko urtean baino pixka bat hobeki (8,06)

Balorazioa genero ikuspegitik aztertzen badugu, ondorioa da ez dagoela alde handirik gizonezkoen (8,45) eta emakumezkoen (8,32) balorazioen artean.

Inkestatuek hobekien baloratzen dituzten alderdiak dira, esaterako, adeitasuna (8,59), operadoreak erakutsitako interesa (8,53), operadorearen ezagutza (8,43), etab.; puntuaziorik eskasena, berriz, zerbitzuarekin kontaktatzeko egun batzuetan izaten den zailtasuna izaten da, telefonoak komunikatzen egoten baitira, batez ere kudeatzaileengana bideratzen diren kontsulten kasuan.

Jaso duten arreta nolakoa izan den galdetuta, inkestatuen % 53k erantzun dute espero zuten bezalako arreta jaso dutela, eta % 36,56k, berriz, espero baino arreta hobea izan dutela. Bestalde, % 4k espero baino arreta okerxeagoa izan duela uste du, % 1,78k okerragoa izan dela, eta % 0,44k espero baino askoz ere arreta okerragoa jaso duela.

Zerbitzu hau baliagarri samarra edo oso baliagarria dela uste du inkestatuen % 99,00k, eta gehien errepikatzen den iradokizuna, berriz, arreta ematen duen taldea lagun gehiagoz hornitzekoa da.

Zerbitzuak baliagarritasun eskasa (% 0,22) edo hutsa (% 0,67) duela uste duten erabiltzaileak gutxi dira, eta haien arrazoiak hauek dira: Bertara joan beharra izatea gehienetan; zerbitzua indartu beharra; zerbitzuaren eraginkortasuna hobetu beharra.