3.2.2.1 Tributuei buruzko arreta telefonikoa
2019an 168.389 dei jaso dira, hau da, 2018an baino % 1,65 gehiago.
Jaso ziren dei horien % 75,41 (aurreko urtean % 73,47) zuzen erantzun ahal izan dituzte telefonogunean ari diren langileek, eta gainerakoak beste unitateren batera bideratu behar izan dira.
Jasotako dei guztietatik, 2019an, 23.752 bideratu ziren NFOko Kudeatzaileengana (PFEZ eta BEZ telefonoak); 2018an 25.224 izan ziren eta, beraz, % 5,48 gutxiago bideratu dira. Urteetan barna mantentzen den bideratzeen jaitsiera hori azaltzeko aipa daiteke, besteak beste, Nafarroako Foru Ogasunak telefonoguneko langileei prestakuntza eskaintzeko egin duen ahalegina, horrek areagotu baitu langile horien autonomia erantzunak emateko eta, beraz, dei gutxiago bideratu dira.
2019n NFOko Kudeatzaileengana bideratutako dei guztietatik % 82,82 erantzun ziren, 2018an izandako portzentajearen ildo beretik (77,60 %).
Gainera, laguntza teknikoaren Atala 2019ko urrian hasi zen Zerga Bereziei buruzko arreta telefono bidez eskaintzen. Hain zuzen ere, Zerga Bereziei buruzko deiak erantzuten hasi ziren zenbait garraiobideri buruz (matrikulazioa) eta Energia Elektrikoaren Ekoizpenaren Balioaren gaineko zergari buruz. Hilabete horietan erantzundako deiak, guztira, 168 izan ziren.
Beste alde batetik, Entitate Laguntzaileen unitateak jarraitu zuen Oinordetza eta Dohaintzen gaineko Zergari eta Ondare Eskualdaketaren gaineko Zergari eta Egintza Juridiko Dokumentatuei buruzko deiak erantzuten; 1.178 dei izan ziren.
Kudeaketaren arloko beste hainbat atalek ere telefono bidezko arreta eman zuten. Hain zuzen ere, Zerga Berezien Atalak 1.787 dei erantzun zituen. Enpresa Handien Atalak, berriz, 1.878 dei erantzun zituen. Azkenik, Sozietateen gaineko Zergaren Atalak 2.153 dei erantzun zituen, eta haietatik 1.780 Sozietateen gaineko Zergari dagozkio, eta 373 Ez Egoiliarren gaineko Zergari.
24. grafikoa. Jasotako deien bilakaera denboran
Eguneko batez besteko datuei dagokienez, honako koadro honek jasotzen du izandako bilakaera.
25. grafikoa.Erantzundako telefono deien bilakaera denboran.
Eguneko batez besteko dei kopurua 705ekoa izan zen. Dei gehien apirilean eta maiatzean izan ziren, hain zuzen ere, 17.727 eta 15.486, hurrenez hurren. Beste aldeko muturrean, abuztua eta iraila daude, 7.348 eta 7.944 deirekin, hurrenez hurren.
Dei bideratuak
Une honetan, oro har, deiak telefonogunetik Ogasuneko Kudeatzaileengana bideratzen dira PFEZ eta BEZ gaien inguruko kontsultak direnean bakarrik; gainerako kontsultak jaso egiten ditu telefonoguneak, eta egunero posta elektroniko bidez bidaltzen ditu dei-egileen telefonoak, gaiaren arabera dagokion Unitatera, han argitu dezaten.
26. koadroa. Telefonogunetik bideratutako deiak, unitateen arabera.
Datu aipagarria da, Sozietateen gaineko Zergaren kasuan, aurkezteko epea amaitzera doala, dei pilaketa handia izaten dela uztailaren 13tik aurrera, aldi horretan 514 dei jaso baitziren (34 dei/eguneko). Sasoi horretan, uztailaren 11tik eta 26ra bitartean, posta elektronikoaren sistemak ez du funtzionatzen, eta deiak transferitu egiten dira, haietako asko erantzun ezinik geratzen direlarik.
Gainera, Errenta eta Ondare Kanpainan, herritarren arretaren eguneko batez bestekoa zehazteko, apirila, maiatza eta ekaineko hilabeteak hartu dira kontuan. Horietan, erantzun ezin izan diren deien portzentajeak, hurrenez hurren, % 13,40koa, % 22,46koa eta % 18,89koa izan ziren.
Sartzen diren deien hasierako arreta telefonikoa eta dei bideratuen trafikoa enkargu bidez egiten du Tracasa Instrumental S.L. enpresa publikoak. Zerbitzu hori astelehenetik ostegunera eskaintzen da 08:30etatik 17:30etara uztailean, abuztuan eta irailean, eta urteko ostiral guztietan arreta 15:00etan amaitzen da.
Gainera, zerbitzu gehiago ematen dira eredu informatiboen kanpaina, sozietateen epea eta hiruhileko aitorpenak aurkezteko epearen azken bost egunak heldu direnean.